لاہور میں رنگ روڈ کے قریب کیمیکل فیکٹری میں لگنے والی آگ پر قابو پالیا گیا۔آگ نے پوری فیکٹری کو اپنی لپیٹ میں لے لیا جبکہ آتشزدگی سے فیکٹری میں رکھے کیمیکل کے ڈرم پھٹنے کے بعد شعلے آسمان کی طرف بلند ہوتے رہے۔ریسکیو آفیسر نے کہا کہ کیمیکل کی وجہ سے آگ دوبارہ بھڑکنے کا اندیشہ بھی ہے، کولنگ کا عمل جاری ہے۔ریسکیو حکام کے مطابق 14فائر ٹینڈرز نے آگ بجھانے میں حصہ لیا، کیمیکل ڈرم پھٹنے سے دھماکے ہوتے رہے جس سے علاقے میں خوف و ہراس پھیل رہا۔حکام کے مطابق 6 کنال پر قائم کیمیکل فیکٹری میں آگ لگی تھی، واقعہ میں اب تک کوئی جانی نقصان کی اطلاع نہیں ملی۔