کراچی میں انٹرمیڈیٹ امتحانات جاری ہیں ،گیارہویں کے بعد بارہویں جماعت کا پرچہ بھی آئوٹ ہوگیا۔اعلیٰ ثانوی تعلیمی بورڈ کے تحت انٹر میڈیٹ امتحانات کے چوتھے روز گیارہویں کے بعد بارہویں جماعت کا صبح کی شفٹ کا ریاضی کا پرچہ آئوٹ ہو گیا ۔ بارہویں جماعت کا ریاضی کا پرچہ مقررہ وقت سے 30منٹ قبل سوشل میڈیا پر وائرل ہو ا۔واضح رہے کہ تمام امتحانی مراکز پر دفعہ 144 نافذ جبکہ امتحانی مراکز کے اطراف فوٹو سٹیٹ کی مشینیں دورانِ امتحان بند رکھنے کا اعلان کیا گیا تھاتاہم پرچہ آئوٹ ہونے سے روکنے کے لئے کراچی انٹرمیڈیٹ بورڈ کے تمام انتظامات کسی کام کے نظر نہیں آرہے۔