لاہور (سپورٹس رپورٹر) پنجاب یوتھ فیسٹیول 2012 کے سلسلہ میں گزشتہ روز کرکٹ،ٹیبل ٹینس اور بیڈمنٹن مقابلوں کا انعقاد کرایا گیا۔ تفصیلات کے مطابق اتفاق ٹاﺅن کرکٹ گرا¶نڈ میں ہارڈ بال میچ میںساہیوال اور سرگودھا پریس کلب کے درمیان مقابلہ ہوا۔ سرگودھا نے ٹاس جیت کر ساہیوال کو بیٹنگ کی دعوت دی جس نے مقررہ 8اوورز میں 69 سکور کیا جس کے جواب میں سرگودھا کی ٹیم صرف 64رنز بنا سکی۔ ڈی جی خان اور فیصل آباد پریس کلب کی ٹیموں کے مابین میچ میں ڈی جی خان کی ٹیم کے نہ آنے پر فیصل آباد کو واک اوور مل گئی۔کارپوریٹ اداروں کے مابین ہونے والے ایک مقابلے میں عرفان سپورٹس نے سٹی کرکٹ کلب کو46 رنز سے شکت دے کر کوارٹر فائنل کے لئے کوالیفائی کر لیا۔ شاہ فیصل گرا¶نڈ میں ٹاس سٹی کرکٹ کلب نے جیتا اور عرفان سپورٹس کو بیٹنگ کی دعوت دی جس نے مقررہ 8اوورز میں102رنز بنائے جواب میں سٹی کلب 56 رنز ہی بنا سکی۔ عرفان سپورٹس کے اکرام میو نمایاں بلے باز رہے جنھوں نے 34 رنز سکور کئے۔