کچہری حملوں کی مذمت، پاکستان کی امن کوششوں کی حمایت جاری رکھیں گے: چین

بیجنگ (اے این این) چین نے اسلام آباد کچہری خودکش حملوں کی مذمت کرتے ہوئے کہا کہ پاکستان کی سلامتی و استحکام کیلئے بھرپور تعاون جاری رکھا جائیگا۔ میڈیا بریفنگ میں چین کی وزارت خارجہ  کی ترجمان  چن گانگ نے کہا کہ چین اسلام آباد کچہری میں دہشت  گردی کے واقعہ کی پر زور الفاظ میں مذمت کرتا ہے، ہماری ہمدردیاں پاکستانی عوام اور متاثرہ خاندانوں کے ساتھ ہیں۔ چین پاکستان کی سلامتی اور امن و استحکام کے حوالے سے  پاکستانی حکومت کی کوششوں کی حمایت جاری رکھے گا۔