گوجرانوالہ (نمائندہ خصوصی) ورلڈ کپ 2015ء میں اوپنر ناصر جمشید کی ناقص کارکردگی پر شائقین کرکٹ برہم‘ ناصر جمشید کی واپسی کے ٹکٹ کیلئے بینر لگاکر چندہ مہم کا آغاز کردیا گیا۔ تاجر اوپنر ناصر جمشید کی مایوس کن کارکردگی پر انتہائی برہم ہوگئے۔ تاجروں نے ناصر جمشید کی واپسی کیلئے بینر لگاکر چندہ مہم کا آغاز کردیا۔ تاجروں نے کہا کہ بورڈ ناقص کارکردگی کے باوجود ناصر جمشید کو مسلسل کھلارہا ہے۔ شاید بورڈ کے پاس ان کو واپس بلانے کیلئے پیسے نہیں اسلئے ہم نے خود چندہ جمع کرنے کا فیصلہ کیا ہے تاکہ ناصر جمشید کو واپس بلالیا جائے۔