کراچی ایکسپو سینٹر میں پلاسٹک مصنوعات کی نمائش کل تک جاری رہے گی

کراچی (کامرس رپورٹر)پاکستان پلاسٹک مینوفیکچررز ایسوسی ایشن کی جانب سے پلاسٹک کی نمائش کا افتتاح کراچی ایکسپو سینٹر میں گزشتہ روز کیا گیا۔ نمائش پیر تک جاری رہیگی۔نمائش کے افتتاح کے موقع پر PPMA چیئرمین احتشام الدین اورسرپرست اعلیٰ ذکریا عثمان نے کہا کہ پاکستان میں انتہائی معیاری پلاسٹک کی مصنوعات تیار ہورہی ہیں جن کا کسی بھی ملک کی مصنوعات سے مقابلہ کیاجاسکتا ہے انہوں نے کہا کہ ہم نے پاکستانی مصنوعات کو ایک پلیٹ فارم مہیا کیا ہے تاکہ ایک جگہ اکٹھا ہوکر اپنی مصنوعات کو روشناس کرائیں انہوں نے کہاکہ تمام اشیاء فیکٹری قیمت پرمہیا کی جائیں گی۔ نمائش پیر تک جاری رہیگی۔ پلاسٹک پراڈکٹ شو کے کنوینئر علی محمد کنجی نے کہا کہ پہلے دو روز توقع سے زیادہ کامیابی ملی اوراہلیان کراچی نے مقامی پلاسٹک مصنوعات کوسراہا ہے۔ انہوںنے کہا کہ پلاسٹک کی صنعت ملک تعمیروترقی میں اہم کردار ادا کررہی ہے۔