خاور شاہ قومی بیس بال چمپئن شپ آج سے بحریہ ٹاؤن میں ہوگی

اسلام آباد (این این آئی) پاکستان بیس بال فیڈریشن کے زیراہتمام خاور شاہ قومی بیس بال چمپئن شپ آج پیر سے بحریہ ٹاؤن بیس بال سٹیڈیم لاہور شروع ہوگی، چمپئن شپ کا افتتاح بحریہ ٹاؤن کے ایڈمنسٹریٹر برگیڈیئر (ر) خلیل اللہ بٹ، پاکستان بیس بال فیڈریشن کے چیئرمین شوکت جاوید کے ہمراہ کریں گے ۔ پاکستان بیس بال فیڈریشن کے صدر سید فخر علی شاہ نے بتایاکہ چمپئن شپ کے تمام انتظامات مکمل کر لئے گئے ہیںاور چمپئن شپ میں ملک بھر سے ٹیمیں حصہ لے رہی ہیں۔ چمپئن شپ کا فائنل 10 مارچ کو کھیلا جائے گا۔