اسلام آباد مریڈین فٹبال لیگ افتتاحی میچ حیدری کلب نے جیت لیا

اسلام آباد (این این آئی) اسلام آباد مریڈین اے ڈویڑن فٹ بال لیگ کے افتتاحی میچ میں حیدری کلب نے بولان کلب کو 3-1 گول سے ہرادیا۔ ٹی اینڈ ٹی گرائونڈ میں کھیلے گئے میچ میں وقفے تک حیدری کلب کو بولان کلب کے خلاف 2-1 گول کی برتری حاصل تھی، دوسرے ہاف میں حیدری کلب نے مزید ایک گول کرکے مقابلہ 3-1 گول سے جیت لیا۔ 41 ویں منٹ میں حیدری کلب کے رانا عمیر نے گول کرکے مقابلہ 2-1 کردیا، دوسرے ہاف کے 8 ویں منٹ حیدری کلب کے ارسلان نے گول کرکے مقابلہ 3-1 کردیا جو مقررہ وقت تک جاری رہا۔ اسی حیدری کلب نے بولان کلب کو 3-1 گول سے ہرا دیا۔ اسلام آباد فٹ بال ایسوسی ایشن کے جنر ل سیکرٹری سید شرافت حسین بخاری نے بتایا کہ لیگ میں اسلام آباد کی بہترین بارہ ٹیمیں حصہ لے رہی ہیں جن کو دو گروپوں میں تقسیم کیا گیا ہے گروپ اے میں فالکن کلب، حیدری کلب، القائم کلب، پونا کلب، بولان کلب اور ینگسسٹرزکلب جبکہ گروپ بی قائداعظم کلب، اسلام آباد، جناح کلب، کرن کلب،پاک سپورٹنگ کلب اور گنگال کلب شامل ہیں۔