کویت:آسمان سینکڑوں رنگ برنگی پتنگوں سے سج گیا

لاہور(سپورٹس ڈیسک)کویت آسمان سینکڑوں رنگ برنگی پتنگوں سے سج گیا۔کویت میں سالانہ بین الاقوامی پتنگ میلہ 5روز تک فضامیں رنگ بکھیرنے کے بعد اختتام پذیر ہوگیا۔میلے میں شرکت کے لیے 11 مختلف ممالک سے23 پتنگ بازی کے شوقین افرادیہاں پہنچے تھے۔الفارسی انٹرنیشنل کائٹ فیسٹیول نامی اس پتنگ میلے میں سینکڑوں منفر انداز، ڈیزائن اور رنگوں کی پتنگیں آسمان پر رنگ بکھیرتی دکھائی دیں۔مختلف کارٹون و فلمی کرداروں سمیت دلکش و دیدہ زیب اشکال کی پتنگوں سے سجے آسمان والے اس میلے کو دیکھنے کے لیے ہزاروں سیاحوں نے بھی یہاں کا رْخ کیا۔میلے کے دوران فیس پینٹنگ سمیت مختلف ایونٹس کا بھی انعقاد کیا گیا جس میں شرکا نے بھرپور دلچسپی کے ساتھ حصہ لیا۔