پاک بحریہ , فضائیہ کا سطح سمندر پر مار کرنے والے لانگ رینج اینٹی شپ کروز میزائل سی-802 کا کامیاب تجربہ

پاک بحریہ اور فضائیہ نے لانگ رینج اینٹی شپ کروز میزائلوں کی فائرنگ کا کامیاب مظاہرہ کیا ۔ ترجمان پاک بحریہ کے مطابق فائرنگ کا مظاہرہ شمالی بحیرہ عرب میں کیا گیا میزائل فائرنگ کا یہ مظاہرہ بحری مشق رباط کے اختتام پر کیا گیا نیول چیف اور ایئر چیف نے پی این ایس نصر سے میزائلوں کی فائرنگ کا مظاہرہ دیکھا ۔ میزائل جے ایف 17اور ایف 22پی فریگٹ پی این ایس سیف سے فائر کئے گئے ۔ بی این ایس سیف نے سطح سمندر سے سطح سمندر پر مار کرنے والا میزائل سی 802فائر کیا ۔ جے ایف 17نے ہوا سے سطح سمندر پر مار کرنے والا میزائل سی 208اے کے فائر کیا ۔ دونوں میزائلوں نے ا پنے اپنے اہداف کو کامیابی سے نشانہ بنایا ۔ فائرنگ پاک بحریہ اور فضائیہ کے مشترکہ آپریشنز کی شاندار صلاحیت کا ثبوت ہے اس موقع پر نیول چیف نے کہا کہ پاک بحریہ اور فضائیہ سرحدوں کے تحفظ کی مکمل صلاحیت رکھتی ہے ۔ ترجمان کے مطابق پاک بحریہ اور پاک فضائیہ کی جانب سے مشترکہ فلائی پاسٹ کا شاندار مظاہرہ بھی کیا ۔ نیول چیف نے پاکستان نیول فلیٹ کی آپریشنل تیاریوں پر مکمل اطمینان کا اظہار کیا ۔