کراچی کے علاقے فیڈرل بی ایریا میں عمارت کی بالکونی گرنے سے ایک شخص جاں بحق ہو گیا۔ریسکیو ذرائع کے مطابق واقعہ ایف بی ایریا کے بلاک 16 میں واقع ایک عمارت میں پیش آیا جس کی بالکونی گر گئی۔ریسکیو ذرائع نے بتایا ہے کہ بالکونی گرنے سے ایک شخص جاں بحق جبکہ متعدد افراد زخمی ہوئے ہیں۔ریسیکیو اہلکاروں نے فوری طور پر کارروائی کرتے ہوئے جاں بحق ہونے والے شخص کی لاش کو ملبے سے نکال کر اسپتال منتقل کیا ہے جبکہ زخمیوں کو بھی طبی امداد کے لیے اسپتال منتقل کیا جا رہا ہے۔