ملتان (سپیشل رپورٹر) ممبر پاکستان بار کونسل مرزا عزیز اکبر بیگ نے کہا ہے کہ سابق وزیراعظم سید یوسف رضا گیلانی کو سینیٹ انتخابات میں کامیابی حاصل کرنے پر مبارکباد پیش کرتے ہیں، سابق وزیراعظم نہ صرف جنوبی پنجاب بلکہ پورے ملک کے سیاسی منظر پر نیک شگون ثابت ہوگا۔ ان خیالات کا اظہار انہوں نے گزشتہ روز پریس کلب میں میڈیا ٹاک کرتے ہوئے کیا۔ ان کا مزید کہنا تھا کہ سید یوسف رضا گیلانی ایک منجھے ہوئے سیاست دان ہیں، سید یوسف رضا گیلانی میں بھرپور اہلیت ہے کہ وہ ملک میں صحیح معنوں میں جمہوری روایات کو فروغ دے سکیں، سید یوسف رضا گیلانی چیئرمین سینیٹ کا انتخاب بھی شاندار انداز سے جیتیں گے۔ اس موقع پر انکے ہمراہ سینئر قانون دان ملک انوار الحق لابر بھی موجود تھے۔