فیروز والہ : فیکٹری میں بوائلر دھماکہ ‘2مزدور زخمی ‘ایک کی ٹانگ کٹ گئی

فیروزوالہ( نامہ نگار)لاہور شیخوپورہ روڈ پر کوٹ عبدالمالک کے قریب فیکٹری میں زور دار دھماکے سے بوائلر پھٹ گیا جس کے باعث دو مزدور جھلس گئے‘ ایک مزدور کی ٹانگ کٹ گئی۔ فیکٹری میں ورکرز کام کر رہے تھے کہ اچانک بوائلر پھٹ جانے سے محنت کش خادم رشید 40سالہ بری طرح زخمی ہو گیا جس کی ٹانگ کٹ گئی ‘ہسپتال داخل کرا دیا گیا جس کی حالت نازک بیان کی جاتی ہے۔ ایک مزدور معمولی زخمی ہو ا جسے موقع پر طبی اامداد فراہم کر دی گئی ۔ مزدور رہنما صفدر حسین سندھو ایڈووکیٹ اور ایاز سندھو ایڈووکیٹ نے اعلیٰ حکام سے مطالبہ کیا ہے کہ لیبر ایکٹ کی خلاف ورزی کرنیوالے فیکٹری مالکان کیخلاف کاروائی کی جائے۔