پشاور دھماکے پرملک بھر میں  3روزہ سوگ کا اعلان

کراچی (نیوز رپورٹر     )ملک بھر کے علماء مشائخ کی نمائندہ تنظیم علماء مشائخ فیڈریشن آف پاکستان نے پشاور قصہ خوانی بازار دھماکے کی شدیدمذمت اورانسانی جانوں کے ضیاع پر دلی رنج کا اظہارکرتے ہوئے ملک بھر میں 3روزہ سوگ کا اعلان کیا ہے۔قصہ خوانی بازار کوچہ رسالدار میں واقع جامع مسجد میں نماز جمعہ کے دوران دھماکہ کے نتیجے میں 30 سے زائدنمازیوں کی شہادت اور 50 سے زائد افراد کے زخمی ہونے پر ملک بھر کے علماء مشائخ کا کہنا ہے کہ دھماکہ پاکستان کے امن اور معیشت کو غیر مستحکم کرنے کی سازش ہے۔