وہاڑی(نامہ نگار)  لڈن میںخستہ حال سیوریج ، روڈز نے طالبات اور ہسپتال جانے والے سینکڑوں لوگوں کیلئے مسائل پیدا کر دئے آج تک ارباب اقتدار اور ضلعی انتظامیہ نے ان مسائل کے حل کی طرف کوئی توجہ نہیں دی جس کی وجہ سے عوامی مسائل گھمبیر شکل اختیار کرتے جا رہے ہیں۔ مقامی رہائشیوں  ملک حاجی رمضان  خدا بخش شاہد اقبال ریاض احمد قاضی محمد عامر و دیگر نے  ڈی سی وہاڑی سے مطالبہ کرتے ہوئے کہا ہے کہ عرصہ دراز سے لڈن ممتاز بازار اور قبرستان روڈ ٹوٹ پھوٹ کا شکا رہے ۔جبکہ رہی سی کسر سیوریج لائن ڈالنے والے ٹھیکیدار نے سڑک ادھیڑ کر پوری کر دی ہے ، فوری سیوریج سسٹم کو اپ گریڈ کیا جائے اور سڑک کو فوری طور پر تعمیر کرایا جائے۔