بیلسٹک میزائل تجربہ اپنے علاقے سونان سے کیا جو عالمی امن کیخلاف ہے

شمالی کوریا کا یہ میزائل تجربہ ناقابلِ قبول ہے،جاپانی وزیر دفاع

جنوبی کوریا نے الزام عائد کیا ہے کہ پڑوسی ملک شمالی کوریا نے بیلسٹک میزائل تجربہ کیا ہے ۔غیر ملکی خبر رساں ا دارے کے مطابق جنوبی کوریا نے کہا کہ شمالی کوریا نے یہ بیلسٹک میزائل تجربہ اپنے علاقے سونان سے کیا ہے ، جنوبی کوریا نے شمالی کوریا کے بیلسٹک میزائل تجربے کی مذمت کرتے ہوئے مزیدکہا ہے کہ یہ میزائل تجربہ جنوبی کوریا اور عالمی امن و استحکام کے خلاف ہے،جاپان کی جانب سے بھی شمالی کوریا کے اس میزائل تجربے کی مذمت کی گئی۔جاپانی وزیرِ دفاع نے دارالحکومت ٹوکیو سے جاری گئے ایک بیان میں کہا ہے کہ شمالی کوریا کا یہ میزائل تجربہ ناقابلِ قبول ہے.