گھڑ دوڑ کا سب سے بڑا مقابلہ پاکستان ڈربی آج لاہور میں ہو گا

لاہور (سپورٹس رپورٹر) گھڑ دوڑ کا سب سے بڑا مقابلہ پاکستان ڈربی 2023 آج ہو گا۔پاکستان ڈربی میں 10 گھوڑے، گھوڑیوں کے درمیان مقابلہ ہو گا، پاکستان ڈربی کے علاوہ کپ ریسز کا بھی انعقاد لاہور ریس کلب میں ہو گا۔ پہلی مرتبہ 4 گھوڑے، گھوڑیوں کے درمیان سخت مقابلہ متوقع ہے، ان 4 گھوڑے، گھوڑیوں میں پاکستانی سٹار، طوفان، سرابی اور سی برڈ شامل ہیں۔ ماضی میں 3 گھوڑے، گھوڑیوں کے درمیان سخت مقابلے ہوا کرتے تھے، پہلی چار پوزیشنز حاصل کرنے والوں میں 62 لاکھ روپے تقسیم کئے جائیں گے۔