لندن (این این آئی) برطانوی سکرین رائٹر جمائما گولڈ سمتھ نے پاکستانی نوجوانوںکیلئے خصوصی پیغام جاری کر دیا۔ سماجی رابطے کی ویب سائٹ ٹوئٹر پر جمائما گولڈ سمتھ نے اپنی فلم کے حوالے سے پیغام جاری کیا اور لکھا کہ میری فلم واٹس لو گوٹ ٹو ڈو ود اٹ؟ پاکستان میں ریلیز ہو چکی ہے۔ جمائما گولڈ سمتھ نے پاکستانیوں کو مخاطب کرتے ہوئے کہا کہ ہماری فلم میں پاکستانی اداکارہ سجل علی کی سنسنی خیز اداکاری دیکھیں۔ واضح رہے کہ جمائما گولڈ سمتھ کی فلم24 فروری کو ریلیز ہوئی تھی لیکن فلم کو پاکستان میں ریلیز نہیں کیا گیا تھا۔ پاکستانی گلوکار شہزاد رائے نے جمائما کو ان کی فلم پر  مبارکباد دیتے ہوئے سوال کیا تھا کہ پاکستان میں یہ کب ریلیز کی جائے گی؟ جمائما گولڈ سمتھ نے کہا تھا کہ میری فلم کو3 مارچ کو پاکستان میں ریلیز کیا جائے گا۔ جمائما گولڈ سمتھ کی فلم کی کاسٹ میں پاکستانی اداکارہ سجل علی اور بھارتی اداکارہ شبانہ اعظمی بھی شامل ہیں۔