راولپنڈی (اپنے سٹاف رپورٹر سے)ڈکیتی ، چوری کی وارداتوں میں شہری لٹ گئے تھانہ کینٹ کو محمد صدیق نے بتایا کہ ٹیکسلا سٹینڈ میں میری جیب سے60 ہزار روپے کی نقدی چوری کرلی گئی تھانہ مورگاہ کو میجر ارسلان خالد نے بتایا کہ عسکری14 میں گھریلو ملازمہ نے طلائی زیورات بریسلیٹ ، سونے کی چین ، انگوٹھی ، ٹاپس چوری کرلئے تھانہ سول لائن کو محمد ذیشان نے بتایا کہ مریڑ حسن میں میرے کلینک میں تین ڈاکو داخل ہوئے جو ایک لاکھ70 ہزار روپے ، دو لیپ ٹاپ ،دو موبائل فون ، ڈی وی آر چھین کر فرار ہوگئے تھانہ پیرودھائی کو محمد شعیب نے بتایا کہ خیابان سرسید میں چار مسلح ڈاکو میری دکان میں داخل ہوئے اور گن پوائنٹ پر 60 ہزار روپے ،  موٹر سائیکل بدوں نمبر، موبائل فون چھین کر فرار ہوگئے تھانہ مورگاہ کو پیر محمد خان نے بتایا کہ میرے گھر کی الماری سے پانچ لاکھ روپے اور تین سونے کی انگوٹھیاں چوری کرلئے گئے تھانہ آر اے بازار کو شہزاد انجم نے بتایا کہ فیصل کالونی میں میرے گھر سے ساڑھے چار لاکھ روپے کی نقدی چوری ہوگئی تھانہ صدر بیرونی کو اذان نے بتایا کہ ڈھوک پہاڑیاں میں چار مسلح افراد نے مجھ سے23 ہزار روپے ، موبائل فون چھین لئے چکلالہ میں مہران کار ، ہولی فیملی ہسپتال سے کیری ڈبہ اور 8موٹر سائیکل چوری ہو گئے۔