بھارتی ٹینس سٹار ثانیہ مرزا کی کتاب’’ایس اگینسٹ اوڈز ‘‘جولائی میں شائع ہوگی

کولکتہ (سپورٹس ڈیسک) بھارتی ٹینس سٹار ثانیہ مرز ا کی کتاب ’’ایس اگینسٹ اوڈز‘‘تیار ہوگئی ‘جولائی میں شائع ہوگی ۔ٹینس میں ڈبلز کی عالمی نمبر ایک ثانیہ مرزا نے کتاب میں ٹینس میں آنے اور شروعات کے بارے میں لکھا ہے ۔ انہوں نے اپنی زندگی کے مختلف پہلووں کا احاطہ کیا ہے ۔ کھیل کے دوران جن مشکلات کا سامنا کرنا پڑا‘کتنے اعزازات حاصل کئے ۔سنگلز کو کیوں الوداع کہا‘مارٹینا ہنگس کے ساتھ جوڑی کامیاب رہی‘عالمی نمبر ایک بنیں ‘مستقبل کے حوالے سے بھی باتیں لکھی ہیں ۔ ثانیہ نے کہا ہے کہ اگر میری کتاب پڑھنے کے بعد ایک بھی کھلاڑی عالمی سطح پر ملک کا نام روشن کرتی ہے تویہ میرے لئے اعزاز ہوگا۔کتاب میں ساتھی کھلاڑیوں کے ساتھ تعلقات کا تذکرہ بھی کیا گیا ہے ۔