جیکب آباد + ہنگو (نوائے وقت رپورٹ + نامہ نگار) بائی پاس جیکب آباد کے مقام پر ایف سی کی گاڑی اور پک اپ میں تصادم ہوا، حادثے میں 6 ایف سی اہلکاروں سمیت 8 افراد زخمی ہو گئے۔ ہنگو میں سکیورٹی فورسز کی گاڑی کھائی میں جا گری جس کے نتیجے میں6اہلکار زخمی ہو گئے۔گزشتہ روز تھانہ بلیامینہ کے حدود میں واقع علاقہ پٹ دربند میں سکیورٹی فورسز کی گاڑی سمانہ جا رہی تھی کہ اچانک مال مویشی میں سڑک پر سے گزر رہے تھے کہ اسی دوران سکیورٹی فورسز کی گاڑی مال مویشی کو بچاتے ہوئے تیز رفتاری کے باعث گہری کھائی میں جا گری۔ تمام زخمیوں کی حالت خطرے سے باہر ہے۔