پاکستان شیل کی قرعہ اندازی، نوائے وقت کے سینئر منیجر عمران حیدر خوش نصب ٹھہرے

اسلام آباد (سپورٹس ڈیسک) صحت مندانہ سرگرمیوں کے لئے چھوٹے چھوٹے ایونٹ کی سرپرستی ضروری ہے۔ پاکستان شیل اس ضمن میں اپنے حصے کی شمع فروزاں کر رہا ہے۔ ان خیالات کا اظہار گزشتہ دنوں شیل پاکستان یونٹ ایف سکس میں مختصر مگر سادہ تقریب میں انجنیئر عمر حنیف نے کیا۔ تقریب میں قرعہ اندازی کے ذریعے ابوظہبی کا ریٹرن ٹکٹ رہائش اور فراری ورلڈ کے وزٹ کا قرعہ نوائے وقت کے سینئر منیجر سید عمران حیدر کے حصہ میں آیا۔ پروگرام میں پاکستان شیل کے انجنیئر عمر حنیف ،مقامی منیجر مبشیر سلیم انجنیئر سلمان پرویز اور سائٹ منیجر اعجاز رحیم نے عمران حیدر کو وزٹ اور ٹکٹ ڈرا کاڈرافٹ دیا۔ یاد رہے یہ سکیم پورے پاکستان میں جاری ہے ۔