اڈاپل 14(نامہ نگار) تین مسلح ڈاکوؤں نے گن پوائنٹ پر ٹیکسی ڈرائیورسے کرولا نئی کار چھین لی مزاحمت پر ڈرائیور کو چار فائر مار کر شدید زخمی کرکے کار سمیت فرار ہوگئے 'کار کا ٹریکڑ سسٹم جام ہونے پر ڈاکو کار کو دنیاپور صدر تھانہ کے قریب چھوڑ کر فرار ہوگئے۔ تفصیل کے مطابق گزشتہ شام اڈاپل14 ٹیکسی اسٹینڈ پر نماز عصر کی نماز کے وقت تین نا معلوم مسلح ڈاکو موٹر سائیکل ایک دکان پر کھڑا کر کے ٹیکسی ڈرائیور عبدالحمید کے پاس آئے اور چک 121 چلنے کا کہا کرایہ ایک ہزار روپے طے ہوا ٹیکسی ڈرائیور جب چک 118 دس آر کے قریب پہنچا تین مسلح ڈاکوؤں نے ٹیکسی کار رکوا کر گن پوائنٹ پر چھیننے کی کوشش کی ڈرائیور عبدالحمید جسکی عمر 60 سال تھی ٹانگوں پر 4 فائر کئے جس سے ڈرائیور شدید زخمی ہوگیا۔  ٹیکسی کار ڈکیتی کی اطلاع بروقت ملنے پر بھی ایس ایچ او تھانہ ٹھٹھہ صادق آباد شوکت سنپال دو گھنٹے کے بعد بھی جائے وقوعہ پر نا پہنچا اہل علاقہ کی نشاندہی پر اڈا پل14 پر ڈاکوؤں کا موٹر سائیکل بھی بر آمد ہوگیا ہے ڈکیتی کی اطلاع دینے پر کار مالکان نے کار کا ٹریک سسٹم جام کروا دیا اس دوران ڈاکو دنیا پور تھانہ صدر کے قریب کار چھوڑ کر فرار ہوگئے۔  اہل علاقہ کے مطابق ڈاکوؤں کی عمریں 25 سے 30 سال کے درمیان تھیں اور تینوں ڈاکوؤں نے پینٹ شرٹ پہن رکھا تھا۔