3منشیات فروش گرفتار‘ 2 کلو سے زائد چرس ‘80 لیٹر دیسی شراب برآمد 

لاہور(نامہ نگار)ہئیر پولیس نے3 منشیات فروش گرفتار کرلئے ہیں۔گرفتار ملزمان میں غلام عباس، ارشاد اور منا شامل ہیں۔ملزمان کے قبضے سے لاکھوں روپے مالیت کی 2 کلو سے زائد چرس اور 80 لیٹر دیسی شراب برامد کر لی گئی ہے۔ایس پی کینٹ اویس شفیق نے کہا ہے کہ ملزمان نے تعلیمی اداروں، ہوسٹلز، کالجز کے اطراف میں نو جوان نسل کو منشیات بیچنے کا اعتراف کیا ہے۔گرفتار منشیات فروشوں کیخلاف مقدمات درج کر کے تحقیقات جاری ہیں۔