لاہور(نامہ نگار)شہر میں مختلف واقعات میں5 افراد ہلاک ہو گئے ہیں۔ داتا دربار کے علاقے سے 3 نامعلوم افراد کی نعشیں ملی ہیں۔ داتا دربار کے گیٹ نمبرایک کے قریب فٹ پاتھ کنارے سے 55 سالہ شخص نامعلوم شخص کی نعش ملی ہے۔داتا دربار پناہ گاہ کے قریب 40 سالہ شخص ٹریفک حادثے میں جاں بحق ہوگیا جبکہ داتا دربار کے علاقے میلا رام روڈ سے 40 سالہ شخص مردہ حالت میں ملا ہے۔راوی روڈ کے علاقے سبزی منڈی کے قریب سے 35 سالہ نامعلوم شخص کی نعش ملی ہے۔نواب ٹاؤن کے علاقے سے 45 سالہ نامعلوم شخص کی نعش برآمد ہوئی ہے۔جاں بحق ہونیوالے تمام افراد کی شناخت نہیں ہو سکی ۔پولیس نے نعشوں کو مردہ خانہ منتقل کر دیاہے۔