ن لیگ سینٹرل ایگزیکٹو کمیٹی اور سنٹرل مجلس عاملہ کے اجلاس 11 مئی  کو طلب 

لاہور (آئی این پی ) سابق وزیراعظم نواز شریف کی پارٹی صدارت کے حوالے سے مسلم لیگ نون کی سینٹرل ایگزیکٹو کمیٹی اور سینٹرل مجلس عاملہ کے اجلاس طلب کر لئے گئے۔  دونوں اجلاس 11 مئی بروز ہفتہ سہ پہر تین بجے مرکزی سیکرٹریٹ ماڈل ٹاون میں ہوں گے۔ اجلاس میں شہباز شریف مسلم لیگ نون کی صدارت کیلئے نواز شریف کو نامزد کریں گے، اجلاس کے دعوت نامے جاری کر دیئے گئے۔ ذرائع کے مطابق اجلاس میں پارٹی صدر کے علاوہ دیگر تنظیمی عہدوں پر تاحال کوئی ردوبدل نہیں کیا جائے گا۔