شرقپورشریف (نامہ نگار) اولیاء کرام نے اشاعت اسلام میں اہم کردار ادا کیا ۔ ان خیالات کا اظہار سجادہ نشین آستانہ عالیہ شرقپورشریف صاحبزادہ میاں محمد صالح شرقپوری نے جمعہ کے اجتماع سے خطاب کرتے ہوئے کیا۔ انہوں نے کہا کہ حضرت داتا گنج بخش علی ہجویریؒ اور میاں شیر محمد شرقپوریؒ نے لوگوں کو اسلام کا پیغام محبت سے دیا جس کے نتیجے میں غیر مسلم بھی دائرہ اسلام میں داخل ہوئے اور مسلمانوں کی زندگی بھی بدل گئیں ۔ انہوں نے کہا کہ اولیاء کرام کی تبلیغ کی بدولت غیر مسلم بڑی تعداد میں مسلمان ہوئے۔