راولپنڈی (جنرل رپورٹر)بانی و سیکرٹری ایمرجنسی سروسز ڈیپارٹمنٹ ڈاکٹر رضوان نصیر (ستارہ امتیاز) کی ہدایات پر ڈسٹرکٹ ایمرجنسی آفیسر راولپنڈی انجینئر صبغت اللہ کی زیر نگرانی ریسکیو 1122 نے فائر فائٹرز کا عالمی دن نہایت دلی جوش و جذبہ سے منایا۔ فائر فائٹرز کے عالمی دن کے موقع پر سنٹرل ریسکیو اسٹیشن پر یادگار شہدا پر سلامی اور دعا کا انعقاد کیا گیا اور پھولوں کی چادر چڑھائی اور فاتحہ خوانی کی۔ ڈسٹرکٹ ایمرجنسی آفیسر راولپنڈی انجینئر صبغت اللہ نے کہاکہ یہ دن منانے کا مقصد ان شہدا کو خراج تحسین پیش کرنا ہے جنہوں نے دوسروں کی جان و مال بچاتے ہوئے اپنی جانوں کا نذرانہ پیش کیا ۔