کالج آف فریشز اینڈ سرجنز کے انتخابات، پروفیسر شعیب شفیع بلامقابلہ صدر منتخب

راولپنڈی(نمائندہ خصوصی)کالج آف فریشز اینڈ سرجنز پاکستان کے سالانہ انتخابات برائے سال2024 سلسلے میں کالج کونسل کا 210واں اجلاس گذشتہ روز کراچی میں ہوا جس میں اتفاق رائے سے پروفیسر محمد شعیب شفیع کوبلامقابلہ صدر منتخب کر لیا گیا جبکہ پروفیسر خالد مسعود گوندل سنیئر نائب صدر،پروفیسر عباس میمن،خزانچی پروفیسر محمد مسرور منتخب قرار دے دیا گیا۔اس موقع پر ایگزیکٹوکمیٹی کے لئے2ممبران پروفیسر جہانگیر خان اورپروفیسرسید خالد احمد اشرفی اور فنانس کمیٹی کیلئے پروفیسر ابرار اشرف علی اور پروفیسر عنبرین افضل کا انتخاب کیا گیا۔نومنتخب صدر پروفیسر محمد شعیب شفیع  نے اس موقع پر اراکین کا شکریہ ادا کیا کہ جنہوں نے ان پر اعتماد کا اظہار کیا۔انہوں نے یقین دلایا کہ وہ اپنی ذمہ داریاں مکمل ذمہ داری سے نبھائیں گے اور کالج ہذا کی ترقی کیلئے اپنی تما تر صلاحیتوں کو بروئے کار لائیں گے۔سابق صوبائی وزیر صحت و بہبود آبادی ڈاکٹر جمال ناصرنے کالج آف فریشز اینڈ سرجنز پاکستان کا صدر منتخب پروفیسر محمد شعیب شفیع، سنیئر نائب صدر پروفیسر خالد مسعود گوندل سمیت تمام عہدیداران کو بلامقابلہ کامیابی پر انہیں دلی مبارکباد دی ہے اور اس توقع کا اظہار کیا ہے کہ وہ کالج ہذا کی خدمت میں کوئی دقیقہ فروگذاشت نہیں کریں گے۔