سکندر صنم کو چند روز پہلے شدید بیماری کی حالت میں کراچی کے مقامی اسپتال میں داخل کیا گیا تھا جہاں انہیں معدے کا کینسر بتایا گیا تھا۔ سکندر صنم اسٹیج کے معروف مزاحیہ اداکار تھے۔ انہوں نے عمر شریف سمیت ملک کے تمام معروف مزاحیہ اداکاروں کے ساتھ کام کیا۔ انہوں نے ساتھی مزاحیہ اداکار ولی شیخ کے ساتھ بھارتی مزاحیہ پروگرام لافٹر چیلنج میں بھی حصہ لیا اور اپنی صلاحیتوں کا لوہا منوایا۔ مرحوم کی نماز جنازہ بوہری پیر چونا بھٹی میں ادا کی گئی جبکہ تدفین آبائی قبرستان کورنگی میں کی جائے گی۔ سکندر صنم نے پسماندگان میں چار بیٹے اور دو بیٹیاں چھوڑی ہیں۔