لاہور (نمائندہ سپورٹس ) قائداعظم کرکٹ ٹرافی میںایس ایس جی سی نے حیدرآباد ریجن کو اننگز اور 379 رنز سے ہرا دیا، حیدرآباد کی ٹیم دونوں اننگز میں مجموعی طور پر 150 رنز بنا سکی۔ عامر نے پہلی اننگز میں 5 اور سہیل خان نے دوسری اننگز میں 7 کھلاڑیوں کو پویلین کی راہ دکھائی۔ حیدرآباد ریجن نے51 رنز 7 کھلاڑی آئوٹ پر پہلی ادھوری اننگز دوبارہ شروع کی تو پوری ٹیم 80 رنز پر پویلین لوٹ گئی، عامر نے 5 وکٹیں حاصل کیں، فالو آن کے بعد دوسری اننگز میں بھی حیدرآباد ٹیم کی کارکردگی مایوس کن رہی اور پوری ٹیم 70 رنز پر ڈھیر ہو گئی، سہیل خان نے 7 کھلاڑیوں کو پویلین کی راہ دکھائی۔