فٹبال :موریشس ویٹرن ٹیم نے ماڈل ٹاون ویٹرن ٹیم کو شکست دیدی

لاہور(سپورٹس رپورٹر) پاکستان کے دوزرہ پر موریشس ویٹرن فٹبال ٹیم نے پہلے میچ میں ماڈل ٹاون ویٹرن ٹیم کو صفر کے مقابلے میں ایک گول سے شکست دیدی۔ موریشیئس سے آئی مہمان ویٹرن فٹبال ٹیم دی مسلم سکاوٹ کے دورہ کا باقائدہ آغازہوگیا۔ ماڈل ٹاون فٹبال اکیڈمی میں کھیلے گئے میچ میں دی مسلم سکاوٹس موریشس نے ایم ٹی ایف سی ویٹرن کیخلاف کامیابی سمیٹی۔ موریشیئس ویٹرن فٹبال ٹیم دی مسلم سکاوٹ دوسرا میچ پاکستان ویٹرن کیخلاف آج کھیلے گی۔ افتتاحی میچ کے موقع پر سیکرٹری پی ایف ایف کرنل(ر) احمد یارلودھی، نائب صدر سردار نوید حیدر، صدر ڈی ایف اے لاہور میاں رضوان, قومی فٹبال ٹیم کے برازیلیئن نژادکوچ جیاینگورا سمیت موریشیئس کونسل جنرل شاہد سیٹھی سمیت شائقین فٹبال کی بڑی تعدادنے شرکت کی۔