بھکر(نامہ نگار) کلورکوٹ میں جائیداد کے تنازعہ پر بیوی نے سر پر ہتھوڑا مار کر خاوند مبارک کو قتل کر ڈالا۔ واقعات کے مطابق جائیداد کے تنازعہ پر بیوی نے اپنے خاوند کو ہتھوڑا مار کر قتل کردیا‘ خاندانی ذرائع کے مطابق بیوی جائیداد اپنے نام کروانا چاہتی تھی، بیوی نے طیش میں آکر سر پر ہتھوڑا مار کر خاوند کو قتل کر دیا۔ 8 گھنٹے تک واقعہ کو چھپائے رکھا جس کی بناء پر خاوند ہسپتال پہنچتے ہی دم توڑ گیا۔ اطلاع ملنے پر پولیس نے ملزمہ کو حراست میں لے لیا‘ میڈیکل رپورٹ ملنے پر مقدمہ درج کرلیا جائیگا۔