کینیڈا سے پاکستان آنے والی پرواز حادثے سے بچ گئی‘تمام مسافر ‘ عملہ محفوظ

ٹورنٹو (آئی این پی ) قومی ایئر لائن کی ٹورنٹو سے کراچی آنے والی پرواز حادثے سے بچ گئی۔ پرواز کو واپس ٹورنٹو اتار لیا گیا۔ترجمان پی آئی اے کے مطابق ٹورنٹو ایئرپورٹ حکام نے پرواز کی ہنگامی لینڈنگ کرائی۔ حکام کا مزید کہنا تھا کہ اڑان بھرتے ہی پرواز میں فنی خرابی پیدا ہوئی۔ ایمرجنسی لینڈنگ کے دوران طیارے کا عملہ اور تمام مسافر محفوظ رہے۔قومی ایئرلائن کی پرواز 784 کراچی کیلئے روانہ ہوئی تھی۔