لاہور(سپورٹس رپورٹر+نمائنڈہ سپورٹس) پی سی بی نے آئرلینڈ کو دورہ پاکستان کی باضابطہ دعوت دے دی۔ سیریز کی تفصیلات دونوں ٹیموں کی بین الاقوامی کرکٹ میں مصروفیات دیکھ کر طے کی جائیں گی۔ پاکستان میں کرکٹ کی بحالی کا عمل جاری ہے اور سری لنکا کے ساتھ کامیاب سیریز کھیلنے کے بعد اب دیگر ممالک کے ساتھ بھی ہاکستان آ کر کھیلنے بارے معاملات طے کئے جا رہے ہیں۔ اس سلسلہ میں پی سی بی نے آئر لینڈ کو بھی باقاعدہ طور پر پاکستان کا دورہ کرنے کی دعوت بھیج دی ہے۔ آئر لینڈ کرکٹ بورڈ کا جواب آنے کے بعد دورے کی تفصیلات طے کی جائیں گی ۔ پاکستان اور آئرلینڈ کے درمیان سیریز فیوچر ٹور پروگرام کا حصہ نہیں ہے ۔ پی سی بی آئندہ سیزن میں آئرلینڈ کی میزبانی کرنے کے لئے پر امید ہے۔