لاہور(کلچرل رپورٹر)لاہورآرٹس کونسل الحمراءنے بچوں کی تفریح کےلئے دسمبر کے پہلے ہفتے میں چلڈرن فیسٹیول منعقد کرنے کا فیصلہ کیا ہے،یہ فیسٹیول 3روزتک جاری رہے گا۔ جسمیں بچوں کےلئے تیارکردہ خصوصی ڈرامے پیش کئے جائیں گے علاوہ ازیں بچوں کی دلچسپی کےلئے مختلف سٹالز اور تفریخ کا سامان بھی فیسٹیول کا حصہ ہونگے۔اس سلسلہ کا پہلا اجلاس الحمراءکے کمیٹی روم میں منعقد ہوا ۔جسمیں پنجاب بھر سے بچوںکے لئے کام کرنے واے ہدایتکاروں،پرڈوسرز اور رائٹرز نے شرکت کی۔ایگزیکٹوڈائریکٹر لاہورآرٹس کونسل الحمراءثمن رائے نے اپنے خیالات کا اظہار کرتے ہوئے کہا کہ الحمراءکی تاریخ گواہ ہے کہ بچوں کی بہتری واصلاح کےلئے گزشتہ کئی دہائیوںسے لاہورآرٹس کونسل الحمراءمیں بچوں کے لئے مختلف اقسام کے ڈراموں پیش کئے جارہے ہیں اور یہ سلسلہ آئندہ بھی جدید اور بہترین سہولیات کے ساتھ جاری رہے گا ۔ انھوں نے مزید کہاکہ بچوںکی بہترین تربیت سے ہی بہترین معاشرے کا خواب ممکن ہے، فیسٹیول میں بچوں کو زندگی کے مختلف شعبوں میں راہنمائی کے سنہری اصول بتائے جائےں گے،جس سے بچوں کی ذہنی ونشونما پر اچھے اثرات مرتب ہونگے ،اس فیسٹیول میںبچوں کو ایسی تفریخ مہیا کی جائے گی جس کا مثبت اثر مدتوں قائم رہے گا۔ڈائریکٹر آرٹ اینڈ کلچر ذوالفقارعلی زلفی نے اجلاس میں بتایا کہ الحمراءکو سب سے زیادہ بچوں کےلئے کام کرنے کا اعزاز حاصل ہے۔انھوں نے تما م ڈائریکٹرز کو اپنے ڈراموں کی تیاری میں بچوں کی اپروچ کو سامنے رکھتے ہوئے ڈرامے تیار کرنے کی ہدایت کی ۔ایگزیکٹوائریکٹر الحمرا نے کہاکہ کامیاب ڈراموں کو الحمراءمیں آئندہ بھی مستقل بنیادوں پر پیش کرنے کے مواقع فراہم کئے جائیں گے۔