لاہور( سپورٹس رپورٹر) قومی کرکٹ ٹیم کے وکٹ کیپر بیٹسمین محمد رضوان نے اپنے پیغام میں عوام سے دعاؤں کی درخواست کی ہے۔محمد رضوان کی جانب سے ٹویٹ میں کہا گیا کہ نظام چلانے والی ذات صرف اللہ پاک کی ہے، آپ کے خواب آپ کو اس وقت تک جگائے رکھیں جب تک وہ پورے نہ ہوجائیں۔قومی کرکٹر نے عوام سے پاکستانی ٹیم کیلئے دعاؤں کی بھی درخواست کی ہے۔واضح رہے کہ پاکستان 2 نومبر کو ہونے والے میچ میں نمیبیا کو شکست دے کر ٹی ٹونٹی ورلڈکپ کے سیمی فائنل میں پہنچ گیا ہے جب کہ اب پاکستان 7 نومبر کوسکاٹ لینڈ کیخلاف اپنا آخری گروپ میچ کھیلے گا۔