لاہور(سپورٹس رپورٹر)پاکستان سپر لیگ کے آٹھویں سیز ن کی ڈرافٹنگ کیلئے غیر ملکی کھلاڑیوں کی جانب سے رجسٹریشن کرانے کا عمل جاری ہے۔ ذرائع کا کہنا تھاکہ جنوبی افریقہ کے ڈیوڈ ملر نے ڈرافٹ کیلئے رجسٹریشن کرالی ہے جبکہ جنوبی افریقہ کے ہی ڈی کوک بھی ڈرافٹ کےلئے رجسٹریشن کرائیں گے۔ذرائع کے مطابق سری لنکا کے سپنر وانندو ہسارنگا بھی پی ایس ایل پلیئر ڈرافٹ میں شامل ہوں گے جبکہ انگلینڈ کےکرکٹرزکی بڑی تعداد پی ایس ایل پلیئرز ڈرافٹ کےلئے رجسٹرڈ ہوگی۔ پی ایس ایل پلیئرز ڈرافٹ کیلئے 18 نومبر کی تاریخ تجویز کی گئی ہے۔