آئرش فاسٹ باﺅلر جوشوا لٹل کی ٹی ٹونٹی ورلڈ کپ میں ہیٹ ٹرک

لاہور(سپورٹس رپورٹر)ٹی20ورلڈکپ 2022میں آئرلینڈ کے فاسٹ باﺅلر جوشوا لٹل نے نیوزی لینڈ کےخلاف ٹورنامنٹ کی دوسری ہیٹ ٹرک بناڈالی،ایڈیلیڈ میں کھیلے گئے میچ کے 19ویں اوور میں جوشوا لٹل نے کیوی کپتان کپتان کین ولیمسن، جیمی نیشم اور مچل سینٹنر کی وکٹیں لے کر یہ کارنامہ سر انجام دیا۔قبل ازیں میگا ایونٹ میں پہلی ہیٹ ٹرک متحدہ عرب امارات کے کارتک میپن نے سری لنکا کےخلاف بنائی تھی۔ٹی20 ورلڈکپ کی تاریخ میں سب سے پہلی ہیٹ ٹرک کا اعزاز آسٹریلوی فاسٹ باﺅلر بریٹ لی نے کی تھی، انہوں نے 2007 کے پہلے ورلڈکپ میں بنگلہ دیش کےخلاف یہ کارنامہ سرانجام دیا تھا۔