ملتان (خصوصی رپورٹر ) بہاءالدین زکریا یونیورسٹی کے وائس چانسلر کی خصوصی دلچسپی کے باعث ہائیر ایجوکیشن کمیشن اسلام آباد نے پی ایچ ڈی ان اپلائیڈ سائیکالوجی پروگرام شروع کرنے کی اجازت دے دی ہے اور باقاعدہ طور پر این او سی بھی جاری کر دیا ہے۔ پروفیسر ڈاکٹر منصور اکبر کنڈی نے چیئرمین ہائیر ایجوکیشن کمیشن اسلام آباد کو زکریا یونیورسٹی میں شعبہ سائیکالوجی میں پی ایچ ڈی پروگرام شروع کرنے کی درخواست کی تھی۔