اوستہ محمد:پاک فوج کی حق میں  ریلی کا انعقاد‘شہرپاک فوج  زندہ باد کے نعروں سے گونج اٹھا

اوستہ محمد(این این آئی)اوستہ محمد میں پاک فوج کی حق میں ریلی پورا شہر پاکستان زندہ باد پاک فوج زندہ باد کے نعروں سے گونج اٹھا،ریلی مچھلی پل سے سرکردہ محمد صدیق عمرانی کی قیادت میں نکالی گئی۔ریلی میں شہریوں نے کثیر تعداد میں شرکت کی۔اس موقع پر سرکردہ محمد صدیق عمرانی نے ریلی سے خطاب کرتے ہوئے کہا کہ پاک فوج کی وجہ سے آج ہم اپنے ملک میں سکون سے زندگی گزار رہے ہیں۔پاکستان ہے تو فوج ہے‘ فوج ہے تو ہم ہیں۔پاک فوج کے نوجوانوں نے اپنے ملک کیلئے جانوں کی قربانیاں بھی دی ہیں سیلاب ‘ بارشوں میں پاک فوج نے شہریوں کو بچایا۔انہوں نے کہا کہ ہم اپنی پاکستانی فوج کے ساتھ ہیں اور رہیں گے۔