حضور اکرم ؐکی ذات تا قیامت لوگوں کو مکمل راہنمائی فراہم کرتی ہے، فرحت اقبال

 کھیوڑہ(نامہ نگار)بچوں میں عشق مصطفیؐ کی شمع روشن کرنے کیلئے پاکستان براڈکاسٹنگ فائونڈیشن انٹرنیشنل کالج اسلام آباد میں سیرت طیبہ ؐ کانفرنس کا انعقاد کیا گیا۔ تقریب کے مہمان خصوصی پرنسپل پی بی ایف کالج فرحت اقبال اور ماہر تعلیم عبد الخالق تھے، جبکہ دیگر مہمان گرامی میں نوجوان صحافی آکاش علی مغل، پروفیسر عبدالرزاق،پروفیسر محمد تحسین ،انگر  یز ی زبان و ادب کے پروفیسر محمد اسماعیل ،پروفیسر ثا قب، پروفیسر محمد ذیشان ودیگر شامل تھے۔ تقریب میں طلبہ و طالبات کی بڑ ی تعداد نے شرکت کی جبکہ ننھے عاشقان مصطفیؐ نے نعت کلام پڑھ کر گلہائے عقیدت پیش کیا۔ کانفرنس کے اختتام پر پرنسپل فر حت اقبال نے خطاب کرتے ہوئے کہا کہ آپؐ کی ساری زندگی خواہ وہ نجی ہو یا معاشرتی، مذ ہبی ہو یا سیا سی اپنے اندر رشد و ہدایت کے بے پناہ جواہر لیے ہوئے ہے۔کسی بھی طبقہ فکر سے تعلق رکھنے والے ہر شخص کیلئے حضور اکرم ؐ کی ذاتِ مبارک میں مکمل ر ہنمائی موجود ہے۔
حضور اکرم ؐکی ذات تا قیامت لوگوں کو مکمل راہنمائی فراہم کرتی ہے۔