ملتان (سپورٹس ڈیسک)پاکستان ویمن کرکٹ ٹیم نے تین ایک روزہ میچز کی سیریز کے پہلے میچ میں آئر لینڈ ویمن کو 128 رنز سے شکست دے دی ، پاکستان ویمن ٹیم کی اوپنرز سدرا امین اور منیبہ علی نے آئر ش بولرز کی ایک نہ چلنے دی اور پاکستان ویمن ٹیم نے مقررہ اوور ز میں 3 وکٹوں کے نقصان پر 335 رنز بنائے۔ااپنرز نے پاکستان ویمن کرکٹ کا کسی بھی وکٹ کی پارٹنر شپ کا نیا ریکارڈ بھی قائم کر دیا۔ دونوں کے درمیان 221 رنز کی پارٹنر شپ قائم ہوئی۔سدرا امین نے ریکارڈ ساز 176 رنز کی ناقابل شکست اننگز کھیل کر پاکستان کی جانب سے سب سے زیادہ اسکور اور تین سنچریز بنانے والی پلیئر کا اعزاز بھی اپنے نا م کر لیا۔ جواب میں آئر لینڈ ویمن 3 .49 اوورز میں207 رنز بنا کر آ ؤٹ ہو گئی ،فاطمہ ثنا اور نشرہ سندھو نے دو ،دو وکٹیں حاصل کیں۔سدرا امین پلئیر آف دی میچ قرار پائیں۔
  ریکارڈ ساز اننگز