لاہور(خبرنگار)پارکس اینڈ ہارٹی کلچر اتھارٹی لاہور کے زیر اہتمام ”لہور لہور اے“ فیسٹیول کی تقریبات کے سلسلے میں دو روزہ وزیر اعلی پنجاب ٹینٹ پیگنگ چیمپئن شپ کا انعقاد فورٹریس اسٹیڈیم میں کیا گیا۔ ڈائریکٹر جنرل پی ایچ اے محمد طاہر وٹو نے گھوڑا سواری کرکے ٹینٹ پیگنگ چیمپئن شپ کا افتتاح کیا۔ کمشنر لاہور محمد علی رندھاو ا نے ٹینٹ پیگنگ چیمپئن شپ میں بطور مہمان خصوصی شرکت کی۔ تقریب میں ایڈیشنل ڈائریکٹر جنرل پی ایچ اے صفی اللہ گوندل اور دیگرافسران سمیت بڑی تعدادمیں شہریوں نے شرکت کی۔ نیزہ بازی کے مقابلے میں جان بازگھوڑاسوار مردو خواتین کھلاڑیوں نے شاندار پرفامنس کا مظاہرہ کیا۔ گھوڑا سوار ناک آوٹ مقابلوں میں نیزہ بازی کا مظاہر ہ کریں گے۔اس حوالے سے محمد طاہر وٹو نے بریفنگ دیتے ہوئے کہا کہ چیف منسٹر ٹینٹ پیگنگ چیمپئن شپ لہور لہور اے“ فیسٹیول کی تقریبات کا حصہ ہے جس میں 93 سے زائد ٹیموں حصہ لے رہی ہیں۔ انہوں نے مزید کہا کہ ملک بھر سے آئے 400 سے زائد ماہرگھڑ سوار چیمپئن شپ میں اپنے کھیل کا مظاہرہ کریں گے۔ انہوں نے کہا کہ دو روزہ ٹینٹ چیمپئن شپ 5 نومبر رات 5 بجے جاری رہی گی۔ ٹینٹ چیمپئن شپ کی ونرٹیموں میں نعقد کیش انعامات اور شیلڈزبھی پیش کی جائیں گی۔