نہتے فلسطینیوں کا سات دہائیوں سے قتل عام جاری ہے:عمر مشتاق 

شیخوپورہ(نمائندہ نوائے وقت)تحریک انصاف کے ضلعی رہنما چوہدری عمر مشتاق ورک نے کہا ہے کہ اسرائیلی بربریت کے نتیجہ میں شیرخوار فلسطینی بچوں کی شہادت سے انسانیت کاجنازہ اٹھ گیا اقوام متحدہ کے حکام سمیت انسانوں کے حقوق کے علمبردار کہاں ہیں فلسطین کے نہتے عوام کا سات دہائیوں سے قتل عام جاری ہے، اقوام متحدہ سمیت مقتدرقوتوں کو نہتے فلسطینیوں کی نسل کشی روکنا ہو گی، اپنے ایک بیان میں عمر مشتاق ورک نے کہا کہ غزہ میں ایساکوئی گھر نہیں جہاں سے شہداءکا جنازہ نہ اٹھا ہو فلسطینیوں کے قتل عام پرعالمی ضمیر کی خاموشی مجرمانہ اعانت کے زمرے میں آتی ہے۔