لاہور(سپورٹس رپورٹر)انٹر بورڈ انٹر کالجیٹ ریسلنگ چیمپئن شپ کوچنگ سنٹر کے ریسلنگ میٹ پر منعقد ہوئی ۔لاہور ڈویژن سے 9 کالجزز کے 80 کھلاڑیوں نے چیمپئن شپ میں شرکت کی ۔افتتاحی تقریب کے مہمان خصوصی محمد ندیم آڈٹ آفیسر لاہور بورڈ تھے۔ اختتامی تقریب کے مہمان خصوصی ڈائریکٹر سپورٹس لاہور بورڈ ضیاءسبطین تھے۔ انہوں نے کھلاڑیوں میں کیش پرائز میڈل اور اسناد تقسیم کیے،پنجاب کالج نے پہلی سپیریئر کالج نے دوسری اور گورنمنٹ کالج یونیورسٹی لاہور اور گورنمنٹ کالج مصطفی آباد للیانی نے مشترکہ تیسری پوزیشن حاصل کی۔