راولپنڈی ( جنرل رپورٹر) تحریکِ نفاذِ فقہ جعفریہ کے سربراہ علامہ آغا سید حسین مقدسی نے اتوار 5 نومبر کو سانحہ پسنی اور پارا چنار و ڈیرہ اسماعیل خان میں دہشتگردی کیخلاف 'یومِ شہدا ' منانے کا اعلان کرتے ہوئے کہا ہے کہ پاکستان کیخلاف خوفناک سازش کھیلی جا رہی ہے جسے ہرگِز کامیاب نہیں ہونے دیں گے، یومِ شہداءپر محافظانِ وطن پاک فوج و سیکیورٹی فورسز کے ساتھ اظہارِ یکجہتی کِیا جائے، پارا چنار میں بیرونی کمک کے ساتھ جنگ کا آغاز سوچا سمجھا منصوبہ ہے، پاکستان میں کوئی شیعہ سُنی لڑائی نہیں۔