ضلع راولپنڈی میں پولیو مہم کے کیچ اپ راﺅنڈ کا آغاز

راولپنڈی(جنرل رپورٹر) ضلع راولپنڈی میں پولیو مہم کے کیچ اپ راﺅنڈ کا آغاز ہو گیا،پولیو ٹیموں نے گھر گھر قطرے پلانے کا کام مزید تیز کر دیا،راولپنڈی میں 8 لاکھ سے زائد بچوں کو قطرے پلائے گئے،لاہور میں 20 لاکھ سے زائد ،شیخوپورہ میں 7 لاکھ، 50 ہزار سے زائد،راجن پور میں 5 لاکھ، 78 ہزار سے زائد بچوں کو قطرے پلائے گئے، پنجاب انسداد پولیو پروگرام سربراہ خضر اقبال کا کہنا تھا کہ شیخوپورہ، راجن پور میں مہم کا اختتام ہو گیا جہاں پر پانچ روز چاروں اضلاع میں 41 لاکھ سے زائد بچوں کو قطرے پلائے گئے،لاہور، راولپنڈی کے ماحولیاتی نمونوں میں پولیو وائرس پایا گیا ہے، مہم پولیو وائرس کے خاتمے کے لئے منعقد کی جا رہی ہے۔