فیروزوالہ(  نامہ نگار) ٹریفک حادثات میں 4افراد ہلاک‘ سات زخمی ہوگئے۔بائی پاس  کے قریب چلتی موٹرسائیکل میں برقعہ پھنس جانے سے 4سالہ بچہ موٹرسائیکل سے گرکر جاں بحق جبکہ ماں شدید زخمی ہوگئی۔ بچے کی شناخت حسن عمران اوروالدہ عصمت بی بی شامل ہے۔ چوک بائی پاس گجرپورہ کے قریب دوتیزرفتار موٹرسائیکلوں میں ٹکرکے نتیجہ میں نامعلوم نوجوان ہلاک 2خواتین سمیت4افراد شدیدزخمی ہوگئے۔ جاں بحق 18سالہ نوجوان کی شناخت قاسم علی اورزخمیوں کی شناخت صفیہ رفیق،عفت بی بی،سلیم غفار اورکاشف شبیر کے نام سے ہوئی ہے۔ چک 28کے قریب گدھاریڑھی سے موٹرسائیکل سوارٹکراگئے حادثہ کے نتیجہ میں زخموں کی تاب نہ لاتے ہوئے لاہور کے ہسپتال میں بیٹانصیر سکنہ کھٹیالہ ورکاں جاں بحق ہوگیا جبکہ باپ نذیراحمدکو لاہور کے ہسپتال میں طبی امداد فراہم کی جارہی ہے۔بھیانوالہ رود پر دوموٹرسائیکل سواروں میں ٹکر حادثہ کے نتیجہ میں اقبال اوررزاق زخمی ہوگئے۔ دونوں کی حالت تشویشناک بیان کی جاتی ہے۔