آسٹریلیا کیخلاف ٹی ٹونٹی سیریز کی تیاری کررہاہوں : عثمان خان 

لاہور(سپورٹس رپورٹر (آسٹریلیا کے خلاف ٹی 20 سیریز کے چھ کھلاڑیوں کی نیشنل بینک سٹیڈیم کراچی تیاریاں جاری ہیں۔پاکستان ٹی ٹونٹی سکواڈ میں شامل عثمان خان نے کہا کہ آسٹریلیا کے خلاف ٹی 20 کھیلنے کی اچھی تیاری ہورہی ہے ۔ماربل رکھ  کر تیز اور باونسی بال کھیلنے کی پریکٹس کررہا ہوں۔ آسٹریلیا میں کھیلنے کیلئے کَٹ اور پْل کیلئے خاص تیاری کرنا ہوگی کیونکہ آسٹریلیا میں کنڈیشنز مختلف ہوتی ہیں۔ ماربل پر پریکٹس کی وجہ پْل اور کْٹ کی اچھی تیاری مکمل کرنا ہے۔ آسٹریلیا کے فاسٹ بائولرز کی ویڈیوز بھی دکھ رہا ہوں توجہ صرف آسٹریلیا کے خلاف ٹی ٹونٹی سیریز پر مرکوز ہے۔ فی الحال چیمپئنز ٹرافی دور ہے اس بارے میں نہیں سوچ رہا۔ آسٹریلوی کنڈیشنز میں ٹاپ آرڈر ناکام ہوتا ہے پاکستان کا ہی نہیں آسٹریلیا کا ٹاپ آرڈر بھی جلد آوٹ ہوجاتا ہے۔